گونده ۳۰۹ تُن تویوق اَتی غربی آذربایجان اوستانینین بازارینا گؤندریلیر
آذربایجان غربی‌نین جهاد کشاورزی سازمانینین حیوانات محصوللارینین معاونی بیلدیردی‌کی: "سُون اۆچ گونون ایچینده هر گون اورتالاما ۳۰۹ تُن ایستی تویوق اتی، اوستانین کشتارگاه‌لاریندان بازارا داخیل اولموشدور."
آذربایجان غربی‌نین جهاد کشاورزی سازمانینین حیوانات محصوللارینین معاونی بیلدیردی‌کی: “سُون اۆچ گونون ایچینده هر گون اورتالاما ۳۰۹ تُن ایستی تویوق اتی، اوستانین کشتارگاه‌لاریندان بازارا داخیل اولموشدور.”
پرویز بستانچی جومعه گونو ایرنا خبر آژانسی ایله خصوصی دانیشیقدا بونلاری علاوه ائدیب: “اُؤتن بیر هفته‌ده ایستی تویوق اتینین داغیتمی گونده اورتالاما ۲۹۷ تُن اولموشدور، حال بوکى اوستانین احتیاجی ۳۱ کیلو ایستیفاده سرانه‌سی ایله جَمعینده ۲۸۸ تُندیر.”
او علاوه ائتدی: “۵ میلیون ۲۲۲ مین پارچا جوجه توکمه، آذربایجان غربیده‌کی تویوق‌بئجرمه واحیدلرینده شهریور آییندا یئرلشدیریلمیشدیر.”
آذربایجان غربی نین جهاد کشاورزی سازمانینین حیوانات محصوللاری معاونی بونودا آرتیردی: “بو اوستاندا شهریور آییندا جوجوق یئرلشدیرمه میقداری، اعلان اولونموش برنامه‌یه نیسبتاً ۱۲۰% و کئچن ایلین بو آیینا گوره نیسبتاً ۳۷% آرتمیشدیر.”
او، اوستانین ساتیش و عرضه مرکزلرینده تویوق اتینین داغیتیمینا ایشاره ائده‌رک دئدی: “کئچن هفته‌ده بازارین تنظیمی اوچون گئنیش میقداردا دونموش تویوق اتی داغیتیلمیشدیر.”
او، بو اوستاندا آغیر حیواناتلارین ضمانتلی آلیمینادا ایشاره ائده‌رک دئدی: “بو بؤلگه‌ده آغیر حیوانات اتینین قیمتی موناسیبدیر و بو باره‌ده احتیاج حیس ائدیلمه‌میشدیر.”
ایرنانین خبرینه گؤره، شهریور آییندا آذربایجان غربی ساکن‌لری تویوق اتینین آزالماسی بازاردا تویوق اتینین قیمتینین بیردن آرتماسینا سبب اولموشدور.
